Durante o confinamento puidemos comprobar como foron pasando os días, semanas e incluso case dous meses... Como pasa o tempo! Hoxe imos repasar o calendario. Podes facer estas tarefas oralmente, só precisas un almanaque para poder consultar e responder as preguntas que che fan.
Tamén imos facer un repaso de sumas e restas e de como se escriben os números. Estas tarefas podes facelas na túa libreta.
Hoxe é o último día desta semana de colexio! Temos por diante unha fin de semana un pouquiño máis longa e na que se celebran varias cousas. Por unha banda, mañá día 1 de maio é o Día Internacional do Traballo e, por outra banda, o sábado 2 de maio celébrase o Día Internacional contra o Acoso Escolar. Se queredes saber un pouquiño máis de cada unha destas conmemoracións non deixedes de ver os vídeos que a continuación vos propoñemos.
Vídeo onde se explica porque se celebra o Día Internacional do Traballo.
Conto sobre o acoso escolar titulado "La decisión de Marina".
Tamén vos propoñemos que vexades estas dúas curtas sobre o acoso escolar:
Aproveitando que temos por diante unha fin de semana un chisquiño máis longa, aquí vos deixamos un xogo con vasos no que hai que ter moito ritmo... Ánimo e a practicar moito!
CIENCIAS NATURAIS Cantas veces escoitamos, sobre todo estes días de confinamento, que o máis importante é a saúde? Pois neste caderno tedes un conto sobre o exercicio físico e o deporte. Como é un pouco longo queda de tarefa para dous días.
Se antonte debuxastes a profesionais da saúde, hoxe dedicaremos un
debuxo a os bombeiros. Estes días están a facer un traballo moi
importante. Por exemplo, en Santiago están a desinfectar rúas e
establecementos por onde vai moita xente. Se vos queredes enterar mellor
podedes ler esta noticia coa axuda de un adulto ou irmán maior.
Esperamos que se fagan realidade todos os teus desexos e soños, Antía. 
